Яаж өөртөө өгсөн амлалтаа биелүүлэх вэ?

Өөртөө өгсөн амлалтаа биелүүлэхэд тийм амархан байдаггүй. Надад ч гэсэн хэцүү байдаг.

Жишээлбэл: Хүссэн ажлаа хийгээд, хүссэн мөнгөө олоод, хүссэнээрээ амьдрах сайхан гэдгийг мэдээд байгаа мөртлөө заримдаа үүнийхээ төлөө огт юм хийдэггүй.

Үүний гол шалтгаан юу вэ?

Амлалтаа биелүүлье, юм хийж бүтээе, амжилтанд хүрье гэхээр бидний оюун ухаан хамгийн түрүүнд саад бэрхшээлийг олж хардаг. Саад бэрхшээлээс бид айдаг. Тийм ч учраас саад бэрхшээлтэй учрахгүйн тулд янз бүрийн хийхгүй байх шалтаг хайж олдог гэж болно.

Үүний нэг нь: Надад хангалттай цаг алга гэдэг шалтаг юм.

Амжилтанд хүрсэн хүрээгүй хамаагүй бүх хүнд ижилхэн 24 цаг байдаг гэдгийг бид бүгд мэднэ. Амжилттай амжилтгүй хүмүүс ялгаагүй л завгүй байдаг. Гэвч амжилттай хүмүүс цагийг гаргаж чаддаг. Та ч гэсэн өөртөө хүссэн үедээ цаг гаргаж чадна.

Яаж вэ?

1. Цагаа төлөвлө!

2. Дахин дахин төлөвлө!

Өдөр сар жилээ урьдчилан төлөвлө. Үүний тулд хийх ажлын жагсаалт их тус болдог. Доорх бичлэгээс

а. Хийх ажлын жагсаалтаа хэрхэн гаргах вэ?

б. Гаргасан жагсаалтаасаа альныг нь түрүүлж хийх вэ? тухай дэлгэрэнгүй үзээрэй.

ХҮС. ХИЙ. ХҮР.

ТАНЫ АМЖИЛТЫН ТӨЛӨӨ

©Ука Төмөр