“Өндөр Технологийн Үйлдвэрлэл: Анагаахын болон Ургамлын Биотехнологи” бизнес уулзалт болно

2012 оны 9 сарын 17-18 өдрүүдэд, Улаанбаатархотноо зохиогдох гэж байна.

Монгол улс нь хүрэн эдийн засагт бус ногоон эдийн засагт суурилсан тогтвортой хөгжилийг бий болгох, өөрөөр хэлбэл хүний хүч шаардсан бөөний үйлдвэрлэл бус цөөн хүн амтай орны онцлогт тохирсон мэдлэгт суурилсан өндөр технологийн үйлдвэржилтийг хөгжүүлэх нь тохиромжтой билээ. Ингэснээр үсрэнгүй бөгөөд тогтвортой хөгжил бодитоор биелэх боломж бүрдэнэ. 21-р зууны шинжлэх ухаан, технологийн хөгжлийн тэргүүлэх чиглэлүүдэд Биотехнологи, бионанотехнологи зүй ёсоор орж байна.

Биотехнологи нь эрүүл мэнд, хүнс, хөдөө аж ахуй, эмийн болон гоо сайхны үйлдвэрлэл зэрэг өргөн хүрээг хамрах бөгөөд нийгэм, эдийн засгийн хөгжилд томоохон нөлөөг үзүүлэх салбар юм. Манай улсад биотехнологийн судалгаа, шинжилгээ, технологи дамжуулалт, биологийн гаралтай бүтээгдхүүний үйлдвэрлэлийг хөгжүүлэх, олон улсын стандартад хүргэх чиглэлээр доривтой ажиллах шаардлага тулгарч байгаа билээ. Үүний тулд бусад улсын шинжлэх ухаан, технологийн тэргүүлэх байгууллагуудтай хамтран ажиллах, туршлага нэвтрүүлэх, технологи нутагшуулах нь зүй ёсны хэрэг юм.

Фингэйт ХХК, МоРКос ТББ-аас санаачлан МУИС болон монголын биотехнологийн тэргүүлэх компаниудтай хамтран “Өндөр технологийн үйлдвэрлэл: анагаахын болон ургамлын биотехнологи” сэдэвт бизнес уулзалтыг 2012 оны 9 дүгээр сарын 17-18 өдрүүдэд МҮХАҮТанхим дээр зохион байгуулах гэж байна. Тус бизнес уулзалтад Финландын VTT Техник судалгааны төвийн эрдэмтэн оролцож илтгэл тавихаас гадна монголын биотехнологийн компаниуд, мэргэжилтнүүдтэй цаашид хамтран ажиллах боломжийн талаар уулзалтууд болон үйлдвэрүүдтэй танилцах аялалыг зохион байгуулах юм.

Финландын VTT Техник судалгааны төв нь тус улсын инновацийн тогтолцооны нэгэн чухал бүрэлдэхүүн хэсэг бөгөөд технологийн олон салбарт үйлдвэр, компаниудтай технологи дамжуулах, технологийн инноваци, өндөр технологийн бүтээгдхүүн үйлдвэрлэл, бизнес хөгжүүлэхэд хамтран ажилладаг чухал институт юм.

Хэвлэлийн мэдээ

Press Release by Tseren-Onolt

Уулзалтын танилцуулга, хөтөлбөр:

VTT Brochure

Цахим хуудас: http://vtt.nmma.co/