Олон улсын эмэгтэй уран бүтээлчдийн үзэсгэлэн Веатнам- 2012 д оролцохоор боллоо

Олон улсын эмэгтэй уран бүтээлчдийн зөвлөлөөс жил бүр уламжлал болон зохиогддог Олон улсын эмэгтэй уран бүтээлчдийн үзэсгэлэн энэ жил Веатнам улсын Хо Ши Мин хотод зохиогдож байна. Энэ удаагийн үзэсгэлэнд Монголоос Зураач Б.Хонгорзул, Б.Насанцэнгэл, Д.Булгантуяа, Д.Соёлмаа, Т.Нурмаажав, Б.Шатарсайхан, Т.Энхтуяа, В.Ундраа (миний бие), Г.Оюун, Э.Билигт нар урилгаар оролцохоор боллоо.

Уг нь үзэсгэлэн нь 2012 оны 6 сарын 21-27-нд Хо Ши Мины уран зургийн музейд болох бөгөөд энэ удаагийн үзэсгэлэнд 20 орны 211 уран бүтээлч оролцож байна. Энэ үзэсгэлэн нь олон орны уран бүтээлчдийн туршлага солилцох, өөрийн орны урлаг соёлоо таниулан сурталчилдаг гүүр болсон арга хэмжээ юм.

Дэлгэрэнгүй мэдээллийг www.art-her.com