МИНИЙ ЛЭЭ ИЖИЙ

Хан хурмастад гэгээ тусуут

Хас нүдээ хуулан босоод,

өдөржин босоо  миний лээ ижий,

Харанхуй шөнийн одод тоонондоо хотолтол

Ханцуй тайлалгүй түлгээд,

өнжин зогсоо  миний лээ ижий.

Хацар сайртай үрээ уйлуут

Харцгайн далиар дэвэн ирээд,

үргэлж дэргэд миний лээ ижий,

Хаан бууралын алдарт эн зэрэгцтэл

Хайраа дуугаралгүй сахиад,

үүрд дэргэд миний лээ ижий.

Жил үнэрлээгүй хүүгээ  зүүдлүүт

Жиндүү дэрээ тэврэн сэрээд,

даамай уйлсан миний лээ ижий,

Жин буяны аянд Шигээмунид золготлоо

Жижиг харагдалгүй танигдаад,

дандаа цугтаа миний лээ ижий.