Хамгийн анхны Шинэ урлаг үзэсгэлэн- First New art exhibition

Багш Л.Энхбатын санаачилан байгуулсан New century art association-ий гишүүн болж урлагийн сайн сайхныг хүмүүст хүргэхээр хамтын хүчээр ажиллаж байгаадаа баяртай байдаг билээ. Бид нэгдэж нийлж урлагийн гоо сайхнаар дамжуулан нийгэмд тодорхой хэмжээний эерэг өөрчлөлтийг авчирж чадна гэж боддог. Мөн нэгнээ дэмжиж, нэгнээсээ суралцаж, бусдыгаа сэдэлжүүлж хамтын хүчээр хөгжиж дэвжиж урагшлая гэж зорьдог билээ.

2006 онд анхны “Шинэ урлаг” үзэсгэлэнгээ хамтарч гаргасан бөгөөд урлагийн сонирхогчидын анхаарлыг нэлээдгүй татаж байсан. Тухайн үед “Ухаарал – сэхээрэл” сонинд гарсан нийтлэл байхаар нь энд орууллаа. Энэ нийтлэлд миний тухай “Залуу зураач эмэгтэй В.Ундраагийн үндэсний хувцас өмсгөлтэй монгол хатадын тухай “Хатад”, “Хүлээлт” зэрэг бүтээлүүдийг монгол үндэсний зургийн нэг хавтгай дээр олон дүрс дүрсэлдэг уламжлалт аргыг орчин үеийн уран зургийн аргатай чадмаг хослуулж хийсэн сонирхолтой бүтээлүүд болжээ” хэмээн бичсэн байгаа нь эргээд бодоход сайхан санагдлаа.